قصيدة اليوم “كاس الحور”… شعر طوني رزق

في مبادرة لإدارة جريدة ″سفير الشمال″ اللبنانية بالتعاون مع مكتبها في سيدني أوستراليا تنشر يومياً قصيدة لأحد شعراء الإغتراب في أوستراليا، وذلك للمساهمة في نشرها لقرأئها المنتشرين حول العالم

كاس الحور ….

كتبني قصيدة شعر ع المفرق
مطرح م كان الغيم عم يعرق

وتمرق النسمي تلملم ب هاليل
وراق الحكي لمشلوح ع الممرق

كتبني قصيدي تحت حافر خيل
وخيال انتي تكون ع الأزرق

تلم الصبح ع صهوتك من ميل
وأبقى انا والسكت نتسرق…. ونصير متل الشمس نتحرق

كتبني قصيدي ع الجرد لبعيد
بيني وبين الجرد في الفي

وفي مصطبي وسطحية عناقيد
ودعسة طفل ع بابها الخلفي

كتبني قصيدي بضيعتي من جديد
و ع النبع نقطني بلا كلفي

وتمرق الغيمي تمد صوبي ايد
وتزرع عيوني فصول مختلفي

وتلبس الحوره غطيطة مواعيد
وكل ما الندي ع شعرها يلفي

بدال الشتي تدلف عليي نبيد
ويتعانقو الكاسين ب التنهيد….
واسكر انا والحور ع الدلفي