في مبادرة لإدارة جريدة ″سفير الشمال″ اللبنانية بالتعاون مع مكتبها في سيدني أستراليا تنشر يومياً قصيدة لأحد شعراء الإغتراب في أستراليا وأميركا والمهجر، وذلك للمساهمة في نشرها لقرأئها المنتشرين حول العالم..
يا جرحنا ….
يا جرحنا لبيضل يوجعنا
كل مالتقينا بتلتقي معنا
ما في أمل ما في حلم يشفيك
تابفيت الارزات تجمعنا
هاجرة معنا وبعرفك هونيك
متل السما شامخ بمطلعنا
ومهما المسافي تشقع مداميك
صوتك صدى داوي بمسمعنا
يا جرحنا لما منقدر نداويك
بعدو البكي لافي عامدمعنا
وبعدو الصبح غافي عاتم الديك
لا بلادنا رجعة ولا رجعنا
وخايف لا حوت الهجر يبلعنا
يا موطني يا قلبنا المجروح
لبتضل فيك همومنا بتلوح
لمسموح انو تعيش ب التعصيب
وتتعيش أمن وكيف مش مسموح
بقينى ع أرضك نلتقي ونغيب
وكل ما لتقينا ترد إلنا الروح
ونقول بكرا جرحنا بيطيب
نروح ونجي ونرجع نجي ونروح
وبعدو الوجع بيغز متل النيب
ع جرح دامي والجسد ممشوح
وكل ما وقع صوتك بيصرخ ديب
وايا سلم بلحرب فيك تجيب
وكل الأمل عامذبحك مدبوح
Related Posts
