في مبادرة لإدارة جريدة ″سفير الشمال″ اللبنانية بالتعاون مع مكتبها في سيدني أستراليا تنشر يومياً قصيدة لأحد شعراء الإغتراب في أستراليا وأميركا والمهجر، وذلك للمساهمة في نشرها لقرأئها المنتشرين حول العالم..
يا نوم
وينك يا هالنوم ليش بعدك تاركني
يمكن مضيع عنواني ومش فاكرني
زورني وسأل عليّي ليلي صار نهار
بوعدك اني غنيلك غنية ولاد صغار
بحكيلك حكاية حلوة وبكتبلك اشعار
على الماضي البعيد منروح سوى مشوار
على ذكريات بتفرح وبتبكي وكتير أسرار
رح اترك لك على المخدة ورد وفل
يمكن من الشباك فجأة علي تطل
عم نادي عليك ويرد عليّ الصدى
سهراني جيب لي معك كمشة غفى
تركني بحضنك غمض عيوني ونام
نسيت من زمان كيف بتكون الاحلام
نحنا ناس موجوعين ، خايفين ومهمومين
مع الألم ،الخوف ، الحزن والأرق سهرانين
اه لو بتعرف قديش نحنا عليك مشتاقين
حرام عليك علينا حنّ نحنا بعدنا ناطرين..
