في مبادرة لإدارة جريدة ″سفير الشمال″ اللبنانية بالتعاون مع مكتبها في سيدني أستراليا تنشر يوميا قصيدة لأحد شعراء الاغتراب في أستراليا، وذلك للمساهمة في نشرها لقرأئها المنتشرين حول العالم..
العيد
دقّ الجرس البعيدْ
دقّ القلب ل العيدْ
يا ليل غنّي وعيدْ:
هلّلويا!
في كتار فلُّوا ها السنِهْ،
اخدُوا الدني لْتاني دني…
وواقف أنا ناطورْ
عا المينا؛
كلما صفَر بابورْ،
تصفّر ورقه من أمانينا.
بتعرف؟ أنا تعبت من الحكايِهْ:
مغاره ولعَب وولادْ…
ووحدُو الّلي غايب لية الميلادْ،
ولوين بعدُو مروّج وجايي؟
وبرجع بعايدكُنْ،
يا اخوتي،
ببوِّس حبايبكُنْ، قصايدكُنْ..
وبقلّكنْ: حبُّوا بعدْ
خلُّوا الحكي يزهِّر وعدْ،
والعيدْ:
إيد بْإيدْ
صوب الشفق البعيدْ!
ويا عيدْ
دخلَك شي كاس نبيدْ!
Related Posts
