في مبادرة لإدارة جريدة ″سفير الشمال″ اللبنانية بالتعاون مع مكتبها في سيدني أوستراليا تنشر يومياً قصيدة لأحد شعراء الإغتراب في أوستراليا، وذلك للمساهمة في نشرها لقرأئها المنتشرين حول العالم
تحت الردم بتغمّض العينَينْ
فوق الردم بتلوّح الإيدَينْ،
والغيم حامل جرّتو وماشي
يرشرش دمع تشرين عَ الصفّينْ!
يالليل يمكن يمرقُو تجّارْ
ب غزّه، تحت جسر الغضب والنارْ
يلمُّو العْمار ل ما لها اْسامي
وبكرا بيبيعوها قطع الغيارْ…
ها العالم الداعس عَ راس الحقّ
مجرم ما بيخلّي حدا يخبِّرْ؛
عا قدّ ما حمّل ضميرُو، طقّ
طقّ الضمير وطقّ المجبِّرْ.
تحت الردم أعلام مطمورهْ
فوق الردم أحلام مكسورهْ؛
يا سيّد التاريخ طلّ وشوفْ
كفر البشر بالصوت والصورهْ…
Related Posts
