قصيدة اليوم : ” الانسان عمرو بهالدني مرقه “.. شعر سايد مخايل

في مبادرة لإدارة جريدة ″سفير الشمال″ اللبنانية بالتعاون مع مكتبها في سيدني أستراليا تنشر يوميا قصيدة لأحد شعراء الاغتراب في أستراليا، وذلك للمساهمة في نشرها لقرأئها المنتشرين حول العالم..

الانسان عمرو بهالدني مرقه.. شعر سايد مخايل

الانسان عمرو بهالدني مرقه
مهما يطول بينتهي بورقه
بضياعنا بتطلع على الحيطان،،،
واليوم قالو تْطور الانسان ،
وصارت الورقه ع مواقعنا
بتطلع ومنشوفها سرقه
يا مين للماضي يرجعنا
ويشيلنا من الحلقة الزرقا
ن بكيت شي عين تشوفنا دمعنا
مش “لايك” لمّا بتكبر الحرقه
وتصير أفراح ووجع هالناس
تمرق فوق صفحاتنا مرقه ….

صرنا بسماها منقتل العصفور

بتأمل بلاد الوعي والنور
مقعد رئاسي بيفشل يعِّبي
وبيضرب القانون والدستور
وأجيال عالفوضى عن يربِّي
بلاد اللي فيها غرّد الشحرور
وروكز رفعها لفوق للقبه
وجبران وصلّها لغير عصور
وكانت ب كتبو مشعشعه محّبه
صرنا بسماها منقتل العصفور
ويللي عمل ارهاب َّ منخبِّي
وشعب الوطن متعذب ومقهور
وبياكل الضربه ورا الضربه
يا رب تشفق عا شعب مكسور
رجال السياسي كسَّرو جناحو
وكان انتهى لولاك يا رِّبي …