علقت الممثلة سولاف فواخرجي، على مقتل الشاب محمد الموسي علي في منزل الفنانة نانسي عجرم، مؤكدة أن سرًا وراء ارتكاب الجريمة، معلنة عن تضامنها الكامل مع ابن بلدها على حد قولها.
وفي منشور طويل عبر “إنستغرام” قالت فواخرجي :”القانون هو الفيصل، وفي ظالم وفي مظلوم، وفي عدالة عالارض ولو بنسب قليلة، وفي عدالة بالسما اكبر من كل النسب”.
أضافت: “كل الناس بتطلب رأي أو موقف من الفنان، والفنان جزء من المجتمع لازم يقول ويحكي اكيد، بس لما بتكون الامور لسا ما اكتملت صورتها، ولما بتكون بإيدين القضاء، نحنا ما فينا نبت او نعطي احكام وقرارات ولا بيجوز نتدخل لانو الحقيقة بعدها ما وضحت والقضية شائكة جدا”.
وتابعت فواخرجي: “لكل الناس اللي عم تطالبني بابداء الرأي بالقضية وكأنو قراري هو الحكم، او لمجرد اثبات موقف أواللحاق بسبق السوشال ميديا (والقصة مو هيك واكبر من هيك):” أنا بوقف جنب الانسان المظلوم بغض النظر عن جنسيته، ما حدا بيقبل بالظلم لا الو ولا لغيره، وصحيح السوري انظلم من اخوته كتير، بس التعميم غلط، وبكل بلد في صالح وفي طالح، الجنسية متل الاسم مالو علاقة فيها البني ادم بتخلق معه، والعنصريين وين ماكانوا هم ناس مريضين”.
وأكدت: “بوقف مع ابن بلدي بالحق ولو كان بآخر ماعمّر الله، وكل نقطة دم منه هي من دمي. ولو نانسي ود. فادي مذنبين اكيد رح ياخدوا جزاءهم، بس الموضوع اكبر مننا ومن تقييمنا، وماحدا قدر يعرفه، لحد هلأ عالقليلة، والاكيد كمان انو هنن مو مجرمين بالاصل ولا ساديين، بس في شي صار غلط وغير مقبول”.
