حزن كبير خيم يوم امس على مواقع التواصل الإجتماعي وذلك بعد استشهاد 3 عسكريين من الجيش اللبناني في الاشتباكات التي حصلت مع مطلوبين في منطقة حورتعلا في بعلبك.
وعمد كثير من الفنانين والاعلاميين الى نعي الشهداء الثلاثة، معربين عن حزنهم الكبير.
وكان من بينهم الممثلة ماغي بو غصن التي كتبت:”كل ما نتعود على جرح ووجع بيطلعلنا وجع اكبر منهالله يرحمكم برحمته الواسعة شهداء الشرف والتضحية والوفاء خلص الحكي”.
الاعلامية رابعة الزيات كتبت:”هالشباب اللي راحوا كرمال شو ؟ كرمال سيادة أرض وكرامة شعب؟ راحوا كرمال عصابات مخدرات وفساد سياسيين !! لمّا الغالي يروح برخيص بصير الموت حرقة وقهر ،الله يرحم شباب الجيش اللبناني ويصبّر أهاليهم.
الممثلة وملكة جمال لبنان السابقة نادين ويلسون نجيم كتبت:”إقطعوا اليد يلي بتمتد عالجيش!٣ أبطال من الجيش اللبناني استشهدوا ليوم بعد عملية مداهمة، قتل و إعتقال زعران منحطين تجار مخدرات الحق أولًا وآخرًا عاللي حاميهم و مستفيد منهم. أساميكم ما لازم تنتسى: جورج بو شعيا، حسن الشريف، بول الجردي. تحيّة إجلال لأرواح شهداء الجيش اللبناني”.
Related Posts
