قال مدير مهرجان القاهرة السينمائي، الفنان حسين فهمي ممازحًا، أثناء كلمته في المؤتمر الصحافي للمهرجان بدورته الـ44 : “اللّي هيخالف الدريس كود هيتحبس، الرجالة زي الستات، أنا كل اللّي بطلبه إن الناس تيجي لابسة شيك، الرجالة بتلبس دايمًا في المهرجانات الدولية الدرجة الأولى، فيه بدلة سموكن اللي تعرفنا عليه، أنا بطلب الناس كلها تيجي لابسه ده”.
وأضاف حول الشروط التي وضعها لـ”دريس كود” الفنانات: “بطلب من السيّدات إنّها تلبس اللّبس اللي إحنا بنشوفه في كل المهرجانات الدولية اللي هي درجة أولى، ميبقاش فيه مبالغة، ده كل اللي بطلبه”.
وكان الفنان حسين فهمي قد كشف في وقتٍ سابق عن شروط حضور النجوم والنجمات للمهرجان، قائلًا: “إحنا مهرجان دولي درجة أولى، ولما جيت المهرجان لقيت إن كل واحد يلبس اللي هو عاوزه، عيب، أنا هلبس كويس والناس تلبس لطيف والنساء تلبس كويس، المسألة تطوّرت أكثر مما أتخيل”.
وأوضح: “مسألة اللّبس تطوّرت فوق ما كنت أتخيل، وبقى وريني يا حبيبتي الفستان طب لفي كده، اسمه إيه الكوافير، مش ده المهرجان، كلنا لازم نبقى لابسين الدريس كود بتاع كل المهرجانات الدولية، الناس هتلبس كويس وهتبقى شيك وهيبان إنه مهرجان قيّم جدًا”.
وستبدأ فعاليات الدروة الـ 44 من مهرجان القاهرة السينمائي في 13 تشرين الثاني المقبل وتستمر حتى 22 من الشهر نفسه.
Related Posts
