خرج الفنان زياد برجي لاول مرة عن صمته وتحدث عن الخلاف الحاصل بينه والشاعر اللبناني احمد ماضي من جهة والفنانة اليسا من جهة ثانية.
وفي تسجيل صوتي مطول لزياد مع برنامج ET بالعربي، قال متوجها لإليسا:”بتحداها تطلع تقول شو صار، أنا حليت أموري معك يا إليسا على التليفون مثل أي صديق عاتب صديقه بالهاتف وقطع علاقته فه، يمكن كون قلتلها أنا بحبك كتير ما فيني أعيش بلاكي! ما بقى بدي احكيكي! شو عرفها العالم إن النهاية كانت سلبية؟ كيف عرفوا العالم شو حكينا؟ وصل يمكن من ورا نوع التويتة اللي نزلتها إنه حدا بيقطع بالواتساب، وإذا هيدا اللي حكيته بالواتساب والناس بتعرفه حدا بيقدر يعتبره ردح! ولا لما أحمد ماضي بينزل إنه أنا شو حكيت عنها بالمقابلة وهي ما قدرت تجيب سيرتي واسمي”.
واضاف:”من مصلحتي أن أكون على أحسن علاقة مع إليسا وربما علاقتي السيئة ستكلفني الكثير، ممكن على صعيد اللي بيحبوها، وأنا أعوذ بالله من كلمة أنا، عشت 15 سنة من ورا الملحن ولسة بعاني منها لأن الشاعر والملحن بياكلو “بطاطا وبسطرما”.
واكد زياد في حديثه ان الاغنية التي هي موضوع الخلاف بينه وبين اليسا كان له في الاساس، وكان يحضرها لإهدائها لزوجته بمناسبة عيد زواجهما.
تابع انه سيطرح الاغنية بصوته، وهو حالياً بصدد تصويرها على طريقة الفيديو كليب بمشاركة الممثلة اللبنانية نادين الراسي.
وقال:”كنت ناوي أنزل هالأغنية بصوتي، لإن إليسا بتعرف إنها كانت معمولة لزوجتي ولعيد زواجنا، وكنت ناوي أنزلها بعد 6 شهور، وبما إن الشئ اللي صار بيني وبينها ورح يبقي هيك أمام الله، قررت أنزل الأغنية بعيد زواجنا 11 سبتمبر”.
واكمل:”أنا اخترت نادين الراسي لتصور معي الأغنية، لأنها بتعرف القصة كلها من أولها، ولأن زوجتي قالتلي إذا بدك تحكي قصتنا بدي نادين بس تمثلها، نحن جاوبنا الفن بالفن، والمسبات بالأدب، ورح جاوب عالأغنية بالأغنية، أرقى من هيك شو بدك مني؟ بتقطع علاقتك بصديق عبر الهاتف في أرقى من هيك؟ خلاص اللي بدي وصله للناس وصلته”.
Related Posts
