أعلن رئيس “التيار الوطني الحر” النائب جبران باسيل خلال العشاء التمويلي السنوي للتيار الوطني الحر في ذكرى 14 آذار أنَّه، “في جوّ الحصار والعقوبات كثيرون خافوا على مصالحهم وابتعدوا عنّا و”أنا بفهم تعوّدنا” وقضيّتنا قضيّة حق”.
وأضاف، “يلّي بقيوا مكمّلين، كتير عزيزين لأنّن مقتنعين والأهم مش خايفين، أصلاً صدقوني ما في شي بيخوّف كلّو تهويل وقضيّتنا قضيّة حق”.
وتابع باسيل، “الحربايات” في 17 تشرين أبعدت الناس عن الحقيقة والأوادم وقرّبت “الزعران” والفاسدين”.
وأشار إلى أنه، “ما بقدر الاّ ما فكّر بأوّل كلمتي بشهدائنا بحرب التحرير وبكل شهداء الوطن, وبطلب منكم لحظة تأمّل بمعنى ومدى عطائهم حتّى نحنا بقينا”.
ولفت باسيل إلى أنه، “إصاباتنا صحيح كانت كبيرة ولكن صمودنا اكبر, والمواجهة مستمرّة اليوم في الانتخابات: “هم متأمّلين ومروبصين يخلصوا منّا، ونحنا ما منخلص وباقيين لأنّنا اصحاب قضية حق ولهيك اطلقنا حملتنا باسم”: كنا… ورح نبقى هون!”.
وأضاف، “نحنا بالانتخابات هالسنة، قرّرنا نعمل صفر دولار دعاية (Zero $ Campaign) لأن ما معنا”.
وقال باسيل: “بسيطة، منرجع على ايّام زمان والله بدبّر, بيلاقوا شبابنا طريقة حضارية تيقولوا “رح نبقى هون” متل ما قالوا سابقاً “عون راجع”, هيدي فعلها أقوى على قلوب الصادقين”.
وتابع، “اليوم عم نطلق معكم حملة تمويل التيار للانتخابات. عند البعض الفقير، مش مهم قدّيش بيعطي، المهم كيف بيعطي. فلس الأرملة يلّي بينعطى بمحبة، أقوى بكتير من الكنوز يلّي انجمعت بالحرام وعم تنصرف بالظلم”.
وأشار إلى أنَّ، “تبرّعاتكم هي لبنانية مية بالمية، والمال يلّي اصلو من الناس بيرجع مردوده للناس”.
وأكّد باسيل، “أموالهم سياسيّة ومن الخارج ومردودها بيكون للخارج “مال الغريب بيخدم الغريب, هيدا الفرق وهون لبّ الموضوع”.
وتابع، “فكّروا بس اذا مرشحين الخارج المتخصّصين ببيع السيادة والأرض والغاز واملاك الدولة وتفقير لبنان وفرض التوطين سيطروا على البرلمان اللبناني شو بيعملوا، بالتأكيد بيعملوا قوانين على شكل “Solidere” حتّى يتملّكوا مش بس وسط العاصمة وكمان مرفأها ومطارها وكهربتها ومشاعاتها والذهب وكل الأصول”.
Related Posts
