طالب رئيس التيار الوطني الحر، النائب جبران باسيل، اليوم، حاكم مصرف لبنان رياض سلامة و”من يغطّيه” بوقف الانفجار الحاصل، وفيما حمّلهم مسؤولية “كل صهريج يُخطف وكل ماكينة أوكسجين تُطفأ”، أكد أن هذا “الانقلاب” يجب أن يفشل.
وفي سلسلة تغريدات عبر حسابه على “تويتر”، قال باسيل: “للحاكم ولكلّ يلي عم يغطّوه سياسياً بقراره وهم كتار ومكشوفين: أوقفوا الانفجار. رفع الدعم بيصير تدريجياً. متل ما رفعتوه عن المحروقات من الـ1500 للـ3900، إرفعوه لرقم جديد لحين توزيع البطاقة التمويلية”.
وأضاف: “بتتحملو مسؤولية كل صهريج عم ينخطف، كل مكنة أوكسجين عم تنطفي، كل برّاد عم يتعطّل بسوبرماركت أو بيت، كل محطة مياه عم توقف، كل محطة إنترنت وخليوي عم تتوقف، كل زرع عم يموت، كل معمل عم يسكّر، كل عسكري وموظف ما عم يقدر يجي عشغلو، كل دوا عم ينفقد وكل نفَس عم ينقطع وكل أمل عم ينطفي”.
وختم قائلاً: “رئيس الجمهورية ورئيس الحكومة رفضوا القرار، ولازم حكومة تصريف الأعمال تثبّت إنها هي السلطة التنفيذية وتؤكد على خطّتها. الحكومة الجديدة لازم تطلع بسرعة، والإنقلاب عليها وعلى الرئيس لازم يفشل… عم تغتالوا شعب بكامله بس شعبنا ما بيموت”.
جبران باسيل: ما يحصل انقلاب ويجب ان يفشل
Post Author: SafirAlChamal
