خبر وفاة دلال عبد العزيز يثير غضب عائلتها

ضجت مواقع التواصل الاجتماع بشائعة وفاة الممثلة المصرية دلال عبد العزيز زوجة الممثل الراحل سمير غانم.

وفي التفاصيل، نعت بعض وسائل الإعلام المحلية المصرية الفنانة دلال عبد العزيز، الامر الذي تسبب بارتباك بين رواد مواقع التواصل الاجتماعي الذين قاموا بدورهم بنعي الفنانة.

هذه الشائعة أغضبت عائلة الممثلة القديرة، اذ اعرب الممثل المصري حسن الرداد زوج الممثلة ايمي سمير غانم عن غضبه من هذه الاخبار عبر صفحته الرسمية على فايسبوك.

وكتب الرداد “بالنسبة للمواقع الصفراء الرخيصة اللى كتبت اخبار غير صحيحة عن حماتي دلال عبد العزيز، يا ريت تحترموا نفسكم شوية. اللى بينزل اخبار  غير صحيحة تخص حياة انسان عشان يعمل ترند على موقع يبقى واحد مش محترم ولا يحترم المهنة بتاعته اللي الف باء فيها وجوب تحرى الدقة”.

وتابع “احنا بقالنا شهور فى المستشفى و كلنا متواجدين مع حماتي و قاعدين قدامها ٢٤ ساعة رامى و إيمى و دنيا و انا و فجاة يجيلنا سيل مكالمات ورسائل من كل اهلنا و حبايبنا بيطمنوا”.

وأضاف الرداد “حقيقي عايز اسأل اللي كتب الخبر لو حد فينا كان بعيد و سمع الخبر ده حضرتك متخيل كان ممكن يحس بإيه او ممكن يحصل له ايه على ما يتأكد ان الخبر مش مظبوط؟ مش هقولك يا ريت يحصل فيك نفس الموقف عشان تعرف المصيبة اللى انت عملتها بس حقول لك حسبى الله و نعم الوكيل”.

بدوره علق الإعلامي رامي رضوان زوج الفنانة دنيا سمير غانم على الموضوع وكتب عبر حسابه الرسمي على تويتر “الواحد ميتمناش غير الخير للناس.. بس فاض الكيل.. يا رب كل واحد نشر الخبر الزبالة ده يشوفه في حبايبه.. وللسادة رؤساء التحرير.. نقوا صحفيينكوا.. إيه القرف ده”.

Post Author: SafirAlChamal