بعد 38 يوماً على انفجار مرفأ بيروت، صُعق اللبناييون مرّة جديدة بعد ظهر الخميس بخبر اندلاع حريق جديد في مستودع للاطارات في المنطقة الحرة في مرفأ بيروت، وقد شوهدت ألسنة النيران والدخان في سماء المنطقة. وعلى الفور عمليات إطفاء الحريق وطوافات الجيش في إخماده.
تزامناً، غصّت مواقع التواصل الإجتماعي بالخبر والتعليق عليه:
نشرت النجمة نوال الزغبي فيديو للحريق وأرفقته بتعليق: “قولكن شو عم يحرقوا!!!! الله لا يوفقكن كيف عم بتموتونا”. لتردّ عليها الفنانة كارول سماحة: “عم يحرقوا أدلة طبعا”.
ونشرت اليسا على “تويتر”، فيديو من منزلها، وقالت: “مباشرةً من منزلي، ما يحصل هو كثير”.
من جهّتها، أطلقت سيرين عبد النور صرخة مدوّية على حسابها على تويتر: “يعني كل يوم مندعي عليهن وبعدهن بالف خير ؟ وبيطلعولنا مبتسمين على الشاشات ولك هول بشر ؟ كل يوم في مصيبة ؟ ودايماً ما عارفين شو صار !!!ولك يأستونا هجّرتون سرقتونا قتلتونا، عايشين بحزن وخوف دائم شو بعد بدكن انتو شو؟ “.
أما ورد الخال، فكتبت على “انستغرام”: “اكبر تحدي بهالبلد انك تبقى عايش.. ….وكل يوم هو عيد ميلادنا كلنا .. 10 ايلول .. ليش؟! ملاحظة: نحنا بلد لعنتنا هي ب حكّامنا .. من حكّامنا.. لعنة الفراعنة تحرقن ونخلص منن”.
هذا وغرّدت الفنانة باسكال مشعلاني عبر “تويتر” قائلة: “تحيه كبيرة #الدفاع_المدني ابطال يسعون إلى إطفاء النار في #المرفأ باللحم الحي بلا مقابل.كل ما يصير في حريق بخبرونا انو كانوا عم بيلحمو حديد #الله يرحنا منكم كلكن. يا عيب الشوم حتى اليوم بعد ما عرفنا مين الفاعل ، “مرفأ_بيروت #لن_ننسى حتى ترحلو”.
