وجهت الإعلامية المصرية ميار الببلاوي، نصيحة إلى الفنانة شيرين عبد الوهاب بعد ظهور الأخيرة بوزن زائد خلال حفل تكريمها في إحدى الجامعات، طالبة منها الاهتمام بنفسها وتجاوز أزمتها.
وقالت الببلاوي: “أنا شفت الفنانة الكبيرة النجمة شيرين عبد الوهاب وهي طالعة تتكرم من كام يوم، وشفت الفستان اللي هي لابساه والوزن اللي وصلت له”، موجهة الكلام لها فقالت: “شيرين فوقي لنفسك وولادك، الدنيا مش بتقف على حد اسأليني أنا، كلنا اتصدمنا واتطلقنا وفشلنا، وأنت مش ملك نفسك أنت ملك جمهورك بفنك، وقبل ما تكوني ملك جمهورك أنت مثل أعلى لبناتك”.
وتابعت: “أرجوكي، بناتك كده يا إما هيبقوا عبيد لأزواجهم يا إما مش هيدخلوا في أي علاقة، وإحنا منتظرين شيرين اللي بنحبها، الجدعة المصرية الأصيلة، تاخد الخبطة وتقف تاني بـ 100 راجل”، مضيفة: “مينفعش بنتك تشوفك كده منهارة بالطريقة دي، عايزة تبعتي لها رسالة إنك اتدمرتي؟ مينفعش تقوليلها كده أو انتي من بعده زهدتي من الدنيا؟”.
وختمت ميار الببلاوي كلامها بالقول: “بس أنا بحبك يا شيرين أوي وكان عندي ولد واتعرضت لنفس الموقف ومعايا ابني واتطلقت وكنت متعلقة بيه، ولكن الدنيا مشيت واتجوزت بعدها أكثر من مرة والدنيا مفرقتش معايا، عارفة إنه كان حبك جامد أوي، اوقفي واثبتي وجودك وظبطي وزنك، اتخضيت من وزنك”.
Related Posts
