خطيب الشهيدة سحر فارس برسالة مؤثرة: بدنا نستقبل يسوع بغصة وحزن (فيديو)

لم تبرد بعد نار قلب، جيلبير كرعان التي اشتعلت بعد انفجار المرفأ في 4 آب، واستشهاد خطيبته سحر فارس الناشطة في الدفاع المدني، كما قلوب كُثر ممن فقدوا احبائهم في الانفجار الذي دوى في بيروت قبل 4 اشهر.

ونشر “خطيب الشهيدة” سحر فارس، في حسابه الخاص عبر “انستغرام” مجموعة من الفيديوهات والصور تجمعه بخطيبته في ذكرى مرور 4 أشهر على انفجار المرفأ، وكتب كلمات مؤثرة جداً: “وكتب جيلبير: “اسمر اللون وعيونو السود يا عروستي البطلة الحلوة اليوم بيصير الك ٤ شهور غايبي عنّي ، ١٢٠ يوم صرلي ما شفتك ولا سمعت صوتك ولا حسيت بحنيّتك ، ٤ شهور كأنن ٤ سنين يا روح قلبي انت ، لا عقلي قادر يصدّق انك فليّتي ولا قلبي عم يستوعب غيابك ، انت معي بكل ثانية و بكل خطوة ، انت بقلبي و بعقلي كل تكّة ، عم بحكيكي كل ثانية لانك معي بعدك الفرق بس مش عم تردّي عليي ، بس انت بطلة والابطال ما بتموت ، انت ما كان بدك تموتي ، انت كان بدك نعيش سوا ، نفرح سوا ، نعمّر بيتنا سوا ، نكبر سوا ، نتزوج و نبني عيلة سوا ، نختيّر سوا انت رحتي و المجرمين ضلّو ، كوني معي واعطيني القوة حتى المجرمين يلي عملوا فينا هيك ياخدو حسابن عالارض قبل حسابن بالسما”.

وتابع: “العيد هالسنة غير، الو طعمة غير، بدنا نستقبل يسوع بغصة وحزن لانك غايبي بالجسد بس عيدك بالسما اجمل بكتير و حنصلّي نحنا و ياكي بليلة العيد و نستقبل يسوع.

Post Author: SafirAlChamal