يعيش حسين مظلوم بعد وفاة ابنته رؤى (4 سنوات) برصاصة طائشة إثر إشكال فردي في بلدة بريتال مأساة مُرّة.
فقد نشر الوالد عددًا من الصور لطفلته عبر حسابه على “فيسبوك” وعلّق بالقول: “يا فراشة عمري شو ذنبك برصاص الناس الجاهلة.. غدروكي”. وأضاف: “يا فراشة عمري كنت لازم تلبسي الفستان للعيد لبسوكي كفن”.
وقال: “يا بابا الك بالعادة توعيني من نومي الاحد لتلبسي وتروحي مشوار وحياة براءتك ما رح ضيعلك حقك.”
وفي رسالة مؤثرة لطفلته، كتب: “4 أيام مضت كأنها 40 سنة كنت تحبي تقعدي على الكرسي الأبيض لأن قلبك كان ناصع البياض ،كنت يا ابي تقعدي جنبي وتقطفي الوردة الجورية (بابا ريحتها حلوة ماهيك) أي يا بابا كتير حلوة
طيب بابا بدي روح عند تيتا جيب بونبونة بس بخبيها لـ school اوك. آخ يا وجعي ويا عمري كنت حب اضحك على ضحتك المهضومة بس للأسف يا بابا ما كنت تعرفي انو في وحوش عنا بيطلقو النار بشكل عشوائي كرمال كلمة صابوك بقلبك وقلتي بابا بابا وبلشتي ترفرفي على الأرض وانكسر قلبي بس ارادتي يا بابا رح تكون اقوى من الرصاص اللي بيفتخرو في لانهم اشبه بالرجال”.
