نشر طفل رسالة مؤثرة عبر صفحته على الفيسبوك يناشد فيها وبكل براءة وزير التربية والتعليم العالي في لبنان مروان حمادة، التدخل بعد منعه من التسجيل في احدى المدارس كونه كان مصابا بسرطان الدم وشفي منه، لكنه ما زال يعاني من ترقق العظام.
الطفل كتب رسالته باللغة العامية بطريقة مؤثرة جدا، وجاء فيها:
“برسم وزير التربية مروان حمادة، ووزارة التربية والتعليم، انا هادي صالح عمري 10 سنين انا كان عندي سرطان بالدم بلش معي من اول مشواري الدراسي وصلت للموت ورجعت بمعجزة من ربنا بس يمكن بدي معجزة تانية ببلد متل لبنان لاقدر كفي تعليمي.
المرض فل، بس تركلي ترقق عضم، وتركلي اثار جانبية كتيرة السنة الماضية وقعت وكسرت فكي وتكسرو أسناني بوقت الامتحانات وما قدرت روح عالمدرسة منشان هيك مديرة مدرسة المعارف (مدام فادية) في الفرزل قررت توضع حد لمشواري الدراسي ورفضت تسجلني بالمدرسة انا دونا عن اخواتي وبكل برود قالت لأمي (روحي سجليه بمدرسة فيها ولاد متله ) هيدا على اساس انا عامل ذنب، ولازم يكون في مطرح مخصص للاطفال المذنبين ( نوع الجريمة سرطان) السنة الماضية كانت ايام تقللي ما تجي عالمدرسة بكرا، كإنو وجودي بيسببلها اشمئزاز ولما كانت تنزعج مني تضربني على راسي، اذا انا مرضت شو ذنبي … بترجاك عمو الوزير شيل الجلادين من المدارس نحنا اطفال حقنا نحب المدرسة وحقنا نتعلم.”
